احلى نكت مصرية أقرا واحكم بنفسك

مرة واحد ركب دش فوق السطح فعلشان ماحدش يقرب منه من السكان بنى حواليه كوخ وقفله وقال
للسكان انا حاطط أسد في الكوخ ده فمحدش يقرب منه أحسنله ، السكان فضلوا خايفين يطلعوا السطح لحد مايوم الشجيع بتاعهم طلع وراح فاتح الكوخ راح نازل جري ووشه أصفر السكان قالولوه ايه شوفته ، قالهم لأ أنا شوفت الطبق اللي بياكل فيه بس
***************
ظابط مسك واحد مسطول بالليل كان معاه حشيش سأله انت بتشرب حشيش؟ قاله ايوه يا باشا، وبتاجر فيه
كمان؟ قاله ايوه ، تاني يوم اتعرض على النيابة سأله وكيل النيابة انت بتشرب حشيش؟ قاله لا يا بيه، طب بتاجر فيه؟ قاله لا يا بيه قاله ليه قلت للظابط كده؟ قاله كنت مسطول يا بيه
***********************
احلى نكت مصرية أقرا واحكم بنفسك

قطتين قاعدين بيحكوا

القط الأول:ميو

القط الثاني: ميو

القط الأول: ميو ميو

القط الثاني: لا متغيرش الموضوع

=-=-=-=-=-=-=-=-=-=-=-=-=-=-=-

تفيدة قالت لزوجها

اذا مت يابو حماده عاوزاك تنورلي قبري عشان بخاف من الظلمة

رد عليها ابو حماده وقالها

انتي بس موتي يا تفيدة وانا حتي التكييف.... هحطهولك

=-=-=-=-=-=-=-=-=-=-=-=-=-=-=-

واحدة بتقول لواحد بقلك ايه ..

بابا وماما مش موجودين النهاردة فى البيت يعنى البيت فاضى

رد عاليها وقالها طيب شغلي الضو و متخفيش

=-=-=-=-=-=-=-=-=-=-=-=-=-=-=-

تفيدة قالت لجوزها وهوه قاعد يقرأ الأهرام :

تعرف إن إنهارده يبقى مر 25 سنة على جوازنا ...

رد بعرف : أيوة يعني عاوزاني أعمل إيه يعني ...

قالت : نفرح ونحتفل بالمناسبة الجميلة دي وندبح جوزين فراخ ...

اتنفض من ع الكرسي ورمى الجورنال وزعق :

وإيه ذنب الفراخ المسكينة في غلطة غلطناها من 25 سنة

حرام عليكي يا تفيدة هتجننيني

=-=-=-=-=-=-=-=-=-=-=-=-=-=-=-

اثنان صعايدة بيلعبو شطرنج

فقال الأول: قتلت لك الحصان

فاستأذنه الثاني بضع دقائق و عندما عاد اليه

قال: سممت لك البهايم كلها

=-=-=-=-=-=-=-=-=-=-=-=-=-=-=-

اتنين صعايدة واحد بيقول للتاني

لو قلت لي القفص ده فيه ايه هديك منه فرختين قاله جوافة

=-=-=-=-=-=-=-=-=-=-=-=-=-=-=-

اتنين بلدياتنا بيلعبو شطرنج

الاتنين فازوا

=-=-=-=-=-=-=-=-=-=-=-=-=-=-=-

مرة اثنين بلدياتنا في الجيش فالصول بيسال الاول

ايه ده؟ رد عليه قاله: البندجيه يافندم...

قال له : بندجية ايه ياهريدي دي وطنك .. دي دمك .. دي امك.

فراح للعسكري التاني قاله : ايه دي ؟

قاله : دي ام هريدي يا فندم

=-=-=-=-=-=-=-=-=-=-=-=-=-=-=-

سواق لوري محمل فراخ ومعاه بغبغان .

شاف بنت حلوة بتشاورله يوصلها ركبت معاه وحاول يبوسها فرفضت

فقالها أبوسك يا تنزلي فنزلت..

لما وصل السواق مشواره لقي فرخة واحدة هي اللي فاضلة

والبغبغان بيقولها أبوسك يا تنزلي.

=-=-=-=-=-=-=-=-=-=-=-=-=-=-=-

تلاثة حكموا عليهم بالإعدام

معاهم واحد صعيدي ،

قالوا للأول عايز المنشار الكهربائي أو شنق ، قال: المنشار الكهربائي ،

جابوه عند المنشار الكهربائي مشتغلش ،

قالوا : حظك روح وأطلقوا سراحه ،

جابوا الثاني قالوا : المنشار الكهربائي أو الشنق ، قال : المنشار الكهربائي ،

جابوه عند المنشار الكهربائي برضو مشتغلش ، قالوا : حظلك روح وأطلقوا سراحه

جابوا الصعيدي ،

قالوا : المنشار الكهربائي أو الشنق،

قال : شنق والناس وأقربائه يذعقو : المنشار ، المنشار ،

المنشار قالهم بايظ مايشتغلش
******************************
مره دكتور صيدلي قابل دكتور صيدلي زيه قاله مرهم بيك قاله
بنسلين ماشفناش بعض
**********************

مرة ثلاث شباب راحو امريكا وبعد كام شهر ابو واحد فيه مات فحبو يبلغوا فطلع واحد منهم وقال انا حبلغو فراح وقال
انت شفت ابوك امتى اخر مرة قال الولد:من شهرين رد علية قالو:هذة دقني لو شفتو مرة تانية
************************

مرة وحدة وحشة جدا بتقول لزوجها نفسى ابقا
عصفورة قال لها وانا نفسى ابقا بندقية
****************************

واحد متجوز قاعد في البيت وبينظر كتير في عقد الزواج، مراته قالت له: "بتبص في عقد الزواج ليه يا حبيبي؟" قالها: "بأبحث عن تاريخ إنتهاء العقد".

واحد نشر في زاوية اعلانات: مطلوب زوجة !!! ثاني يوم جاله 100 رد فيهم نفس الاجابة : تاخد مراتي ؟؟

***
واحد قاعد في أمان الله بيقرا المجلة ، وفجأة جت مراته وضربته بغطا الحلة فوق دماغه .. طررررراخ!!!
الزوج: "فيه ايه يا بنت الحلال؟ ليه كدا ؟؟؟"
الزوجة : "ايه الورقه اللي في جيب بدلتك ومكتوب عليها "سوسو"؟
الزوج: "يا بنت الحلال" ده اسم الحصان اللي بنشجعه في السباق!"
الزوجه صدقته وراحت لحالها .. بعد اسبوع، الزوج قاعد في أمان الله يقرا المجلة ، وفجأة جت مراته وضربته بغطا الحلة على راسه !!
الزوج: "خير يا بنت الحلال في ايه تاني؟؟"
الزوجة:"حصانك على التليفون" .

***
مرة وحدة قالت لجوزها "إهدى يا حبيبي كده وارجع زي زمان"، الراجل طلقها ورجع لأيام العزوبية..
***

مدرس رياضيات اتجوز مدرسة رياضيات خلفوا ولد شبه منحرف وبنت دايره على حل شعرها..
***
واحد بيقول لمراته ... أنا النهاردة عايز رومانسية في البيت ... راحت الزوجة سألت أمها : يعني إيه رومانسية ؟؟
الأم : مش عارفة بس برضه إنقعي الرز
***
وحدة وحشة بتقول لجوزها بكرة عيد ميلادي . قالها نقف دقيقتين حداد؟
***
مرة دكتور دخل غرفة في مستشفى المجانين لقي واحد بيخبط دماغة في الحيط , سأل الممرضة ماله ده ؟
قالت أصله كان بيحب وحدة ومتجوزهاش .. فدخل الدكتور الغرفة الي بعدها لقي واحد بيضرب نفسه بالشبشب ,
قالها وده ماله ؟ قالتله أصل ده الي اتجوزها

واحد صعيدى حب واحده أتجوز أختها علشان يشوفها كل يوم

--

الهي قد تحاببنا ومنك الحب والعهد ** فنرجو فوقنا ظلا حين الحر يشتد
لنا ولأهلنا عفو ومنك العفو يمتد ** ومغفرة ومنزلة جنان مالها من حد


__________________